Pao peng,Kyarr Pit Kaan khua ah SAC ralkap nih an kah mi hriamngan ruang ah mipi 1 a nunnak a liam,Kum a tling rih lo mi sainghngakchia 2 cu SAC ralkap nih an thah hna
Magway ramthen,Pao peng, Kyarr Pit Kaan khua chung ah SAC ralkap nih hriamngan an kah mi nih Ma Thaint Thaint Phyu (6) cu a khen i a nunnak a liam tiah khuami pakhat sinin theih a si.
July 27 ah SAC ralkap pawl cu Kyarr Pit Kaan khua ah kahdohnak um lo bu in hriamngan an kah caah khuami pawl hliam an hmu,cun Ko Zaw Naing le Ma Tin Swe Oo hna i an fanu Ma Thaint Thaint Phyu (6) cu hriangngan nih a khen caah a nunnak a liam tiah theih a si.
“Nizaan ah SAC ralkap pawl nih hriamngan hmang in ruahdap in an kah caah mipi inn pakhat ah a tla.Cu ka cun kum 6 a si mi hngakchia nute a nunnak a liam.Tuni ah SAC ralkap pawl nih khua cu mei an khangh.Hriam nih a tlak ruang ah a nunnak a liam mi hngakchia nute a min cu Ma Thaint Thaint Phyu a si.A pa le a nu cu Ko Zaw Naing le Ma Tin Swe Oo an si.Hriamngan khua chung ah a tlak caah hngakchia zong u pa zong hlaim an hmu.Ma Thaint Thaint Phyu bel hriamngan nih a tlak caah a nunnak a liam colh tiah” khuami pakhat nih a chim.
Cun Magway ramthen,Myaing peng,Kyauksout khua ah kum a tling rih lo mi sianghngakchia 2,Mg.Lamin Maung Maung le Mg.Moe Yan Htet cu July 27 ah SAC ralkap nih an kaa chung ah meithel hmuah chih in an kah that hna tiah khua mi nih an chim.
“Myaing peng,Kyauksout khua ah kum a tling rih lo mi hngakchia 2 cu an kaa chung ah meithel hmuah chih in an kah that hna,an ruak mei in an khangh mi cu a thup mi khua mi pawl nih an hmuh.Cu hngakchia 2 cu PDF an si an ti hna i SAC ralkap nih an thah hna.Khua zong tuzing ah mei an khangh tiah” Kyauksout khuami pakhat nih a chim.
Tuni zing lei ah Magway ramthen le Sagaing ramthen chung um khua pawl cu kahdohnak um lo in SAC ralkap nih mei an khangh,hriamngan in an kah hna tiah theih a si.(Crd.Khit Thit Media)
