Chin ramkulh,Paletwa peng ralzam ngakchia hna nih fimnak an cawn khawh nak hnga ruahchan nak he India-Myanmar ramri ah Paletwa Education Centre an dirh tiah theih a si .
Kahdohnak ruangah nunhimnak kawl in a tli a zam mi Paletwa peng ngakchia hna hna pehtlai in sianginn an kai khawh nak hnga a tu bantuk an tuah mi hi a si.
“Ralzam caah a bik in tuah mi a si.an fim cawnnak an ngol lo nak hnga tiin kan harsat bu tein kan dirh mi a si.Sianginn hi Primary,Middle le High school tiin kan siam lai” tiah Paletwa Education Centre in rianngeitu pakhat nih a chim.
Sianginn hi Primary caah inn khat,Middle caah inn khat le High school caah inn khat tiin sak a si lai i siang ngakchia 500 leng cu cachimtu saya/ma 22 nih an chimh hna lai tiah kan theih.
A tu tiangah Sianginn 1 le Saya/ma umnak inn 5 sak lim a si cang i a dang a herh mi dang sianginn pawl zong sak cuahmah an si. an sianginn cu rua in an sak mi an si hna.
Siangngak chia hna nih cacawn nak ah a herhmi cauk,bawlpen,ca cawnnak cabuai le a dang dang zong bawmh an herh rih tiah kan theih .
