Nizan January 14 ah Paletwa peng vialte cu kan laak khawh cang tiah AA nih a thanh nain Paletwa peng Samee khuapi ah Kaphnih kahdohnaknak fak piin a chuak i SAC lei nih vanlawng hmangin bomb a thlak tiah theih a si.
“Nizan November 14 ah Samee khua chung ah kahdohnak fak piin a chuak,SAC leinih vanlawng in bomb lung 3 an rak thlak,AA nih khuapi chung luhnak nawl a kan pe lo khuapi luh chuah nak vialte an phih viar” tiin khuami pakhat nih Zalen ah a chim.
Samee khuapi chung ah hin a luancia 2023 December thla thok khan AA le SAC kar kahdohnak a chuah cang caah khuami hna cu an zapi in ral an zam hna tiah theih a si.AA lei nih Paletwa hmunram vialte kan laak cang tiah nizan January 14 ah an thanh nain kaphnih kar kahdohnak fak piin a chuak cuahmah rih i Samee SAC Byuha sakhaan zong a taang rih tiah theih a si.
