Chin ramkulh Paletwa peng Shinletwa SAC sakhaan cu Rakhine ralkap AA nih an laak than tiah three brotherhood alliance nih January 3 zaan ah a thanh.
Cu sakhaan ah SAC ralhraang le a kuttang palek minung 200 tluk in fek tein hmun a khuar nak a si i nihin January 3 ah AA nih an laak hi a si.
January 1 thok in AA nih Chin ramkulh Paletwa peng chung le Rakhine ramchung ah operation a kalpi cuahmah i nizan January 2 ah Khamaungwa SAC sakhaan i nihin ah Shinletwa sakhaan an laak than.
Cu sakhaan laak kahdohnak hna ah SAC ralhraang ruak tampi le hriamnam takpi kan laak tiah an langhter chih.
2023 November thla in nihin tiang ah Rakhine ralkap AA nih Paletwa peng chung um SAC strategic hill (Beohakung ) 3,Sakhaan lian mi 3 hna telh in sakhaan 21 an laak cang.
