Chin ramkulh Paletwa peng SAC LIB 308 sakhaan cu Rakhine ralkap AA nih an laak than tiah January 9 ah thawng an thanh.
Paletwa khua pawng i SAC Operation Command Headquater 19 kuttang LIB 308 cu AA nih niruk chung an doh hna hnu January 6 ah tlamtling tein an laak khawh hi a si.
Nizan January 9 zong ah Paletwa le a pawngkam ah kaphnih kar kahdohnak fak piin a chuak i SAC lei nih Jet fighter a hman i fak piin a lehrulh hna.
Paletwa – Kyaukdaw ramri ah a um mi SAC Miwa byuha sakhaan zong laak khawh ding in AA nih a nam cuahmah i SAC lei nih vanlawng in kahdohnak a tuah cuahmah ve.
Rakhine ralkap AA nih hin paletwa peng chung um SAC sakhaan vialte cu kan laak viar lai i SAC um tilo nak hmun ah kan thanh kan i zuam lai tiah an rak thanh.
