Chin ramkulh Paletwa peng Kyilay khuate ah SAC nih vanlawng in bomb a thlak caah tualchung mi ngakchia 1 telh in minung 4 an thi i 3 hliam an tuar tiah theih a si.
“January 15 zanlei slm 2 tluk ah SAC nih Jet Fighter in Kyilay khua ah bobm a thlak hi a si i kum 5 a si mi ngakchia pakhat le upa 3 an zapi 4 cu a hmun ah an thi colh,hliam a tuar mi hi minung 3 an si an hliamhma a fak ngai ngai.cu khua ah cun kahdohnak zong zei hmanh a um lo” tiah khua mi pakhat nih Zalen ah a chim.
Kyilay khua cu Paletwa in a chaklei ah a um mi khuate lian ngai mi a si tiah theih a si.Paletwa peng cu kan laak dih cang tiah AA nih an thanh nain SAC lei nih vanlei in bomb a thlak lengmang rih.
