Chin ramkulh,Paletwa peng Hum khuate (ဟုမ်းရွာ) cu SAC nih kahdohnak zong zeihmanh um loin nihin January 29 chun slm 1:00 tluk ah vanlei in bomb lung 3 a thlak caah tualchungmi 7 nunnak a liam leng ah inn tampi a rawk tiah theih a si.
“Khuachung ah kahdohnak zeihmanh um loin bomb a rak thlak,tualchungmi 7 an thi,inn tampi a rawk.aluancia 2023 December thla zong ah voikhat bomb a rak thlak cang nain cu tan ah cun thi le hliam an rak um lo” tiah khuami pakhat nih Zalen ah a chim.
Hum khua cu a luancia December 19 lio ah voi khat bomb rak thlak hnawh a si cang nihin January 29 ah a voihnihnak an thlak than hi a si.
Mindat khuami a thi mi hna hi Pu Aung Htun Win,Mg Ki Ling,Pu Ki Awm,Mg Kyawlin,Pu Aung Cho,Pu Saing Htun Myint le DaichaungWa khuami Pu Hlauh Boi hna an si.
