2024 May 8 zinglei ah khan Chin ramkulh,Paletwa peng Kha-Way khuate ah kahdohnak lio i a rak taangmi SAC hriampi kuan cu ngakchia nih an char i lente celhnak ah an hman caah a puahhnawh hna i ngakchia 4 an thih pin ah 1 hliam a tuar tiah kan theih.
“Hriampi kuan hi khuapawng ram tang ah ngakchia nih an va hmuh hi a si i lentecelhnak ah an va hman caah a puah hnawh hna hi a si.hriampi kuan an charnak hi a hlan AA le SAC an rak i dohnak a si.SAC sakhaan a rak umnak he zong aa ngaih” tiah khuami pakhat nih a chim.
Hriampi kuannih puahhnawh ruangah a nunnak a liam mi hna cu Salai Aung Min Htun- kum (10), Salai Aung Lin Soe – kum (10), Salai Aung Lin Htun- kum (8) le Salai Lin Myat –Kum (8) hna an si i hliam a tuar mi hi Salai Aung Soe Lin- Kum (8) a si.
Paletwa peng chungah hin AA le SAC kar kahdoh lio i a rak taang mi kuanzen hlun ruangah thlakhat ah minung pakhat in a cunglei nunnak a liam lengmang tiah Paletwa peng zatlangbu rian tuan tu hna nih an chim.
