Chin ramkulh thlanglei Paletwa um SAC IB 289 battalion sakhaan um ralkap hna nih an sakhaan an chuahtaak tiah theih a si.
SAC Thazaang 200 tluk an um nak cu sakhaan cu AA nih aluancia January 1 thok khan kah hram an thok hna i ni 10 leng a rauh hnu nizan January 12 ah an sakhaan an chuahtak i an zam hi a si.
“Nizan ah SAC nih an sakhaan an chuahtaak hi a si,an sakhaan chung ah hohmanh an um tilo, nizan thok khan meithal thawng le bomb thawng zong a dai ngai cang” tiah khuami pakhat nih Zalen ah a chim
SAC IB 289 battallion sakhaan cu Western Region Head quarter kuttang um a si i cu sakhaan um SAC chungkhar hna cu a luancia December thla chung khan Yangon ah an thial cang hna.
