Paletwa ah sainghnakchia pawl nih an zulh mi tilawng cu SAC ralkap nih an kah
Chin ramkulh,Paletwa peng chung ah sianghnakchia pawl nih an rak zulh mi tilawng 1 cu SAC ralkap nih an kah ruang ah sianghngakchia 2 an nunnak a liam i sianghngakchia 2 leng hliam an hmu tiah theih a si.
Nizaan Paletwa peng a tanglei ah a um mi Tonemawa khua middle school ah sianginn a kai mi Yimawa khua sianghngakchia pawl nih an rak zulh mi tilawng cu Hnamatar tilawngdinhnak ah hmun hma a la mi SAC ralkap nih an kah tiah Paletwa khuami nih an chim.
Paletwa khuami pakhat nih “SAC ralkap nih hin sianghngakchia an i tel an hmun ko buin ma an kah,zei ruang ah an kah tiah theih a si lo.Sianghngakchia 2 kha cu a hmun ah an nunnak a liam” tiah a chim.
Cu an kah mi tilawng cu sianghngakchia 10 leng nih an zulh.Tilawng mawngtu zong check ding ah an kal pi tiah a chim.
Paletwa peng a hmai leikap Kainnchaung khua le Thuhtaykone Taung lawnh lam telh in Hnamatar khau pawng kam ah SAC ralkap le AA kar nizaan zinglei in zaanlei sml 3 leng tiang kahdohnak fak a chuak i Paletwa ah a um mi ခလရ(၂၈၉) nih kahdohnak a chuaknak hmun lei ah hriamngan in an kah hna tiah theih a si.(Crd.The Irrawaddy-Burmese Edition)
