Palestine Le Israel An I Kap, Israel Mi Minung 20 Leng Nunnak Liam.
==================
October 7,2023
2023 October 7 zing ah Gaza in Hamas ralhrang hna nih cun Israel ram ah Rocket an kah thluahmah caah minung 22 nunnak a liam i minung 545 hliam an tuar tiah Israel ngandamnak lei rianhmun nih an langhter.
Israel Prime Minister Benjamin Nathayahu nih cun kan tonmi thil hi operation sawhsawh bantuk a si lo ralthawh a si tiah video in a chim. Israel cozah chimnak nawlngeitu nih cun Hamas ralhrang hna nih hin rocker 2500 in an kan kah tiah a langhter.
Hamas ralhrang Al Qassam ralkap bu hruaitu Mohammed Deif nih cun hmunkip um mi Palestine mi hna Hamas lei ah dir in nan umnak cio in miram cuh hmang mi hna hi rak doh cio hna u, a za ti ahcun a za bak cang ko tiah video in a chim ve colh.
Ruah lo pi’n Hamas ralhrang hna nih Rocket tam ngai Israel ram ah an kah hnu in Gaza he an i ramri hmun 7 ah Israel ralkap le ralhrang pawl karlak kahdohnak a chuak. Cun Israel nih rianrang in Fighter Jet in Hamas ralkap hna umnak cu a kah colh ve.
