Magway ramthen,Pakokku SAC division 101 in a rak chuak mi SAC motor 2 hna cu Kandaw khuate pawng an phak ah tualchung hriamtlai nih bomb an puah hnawh hna caah motor pakhat cu ai thek i a chung cuang SAC 11 an thih leng ah 19 hliam an tuar tiah theih a si.
Nizan March 28,zanlei slm 4:45 tluk ah SAC ralkap 72 a phur tu motor 2 cu Pakokku in Kandaw khuate pawng an phak ah a hlei in ser mi lung 8 phir bomb lun gkhat le Lung 6 phir bomb lungkhat in an puah hnawh hna caah SAC 11 cu a hmun ah an thi colh in a dang 19 hliam an tuar hi a si.
Bomb nih a khen mi Motor ah hin SAC ralkap 33 an cuang i pakhat hmanh an him lo,a thi lo mi hna zong a ke kiak na,a hnak kiak na tiin hliam faak an tuar dih caah Kandaw khuate ah emergency in an thlop cuahmah hna tiah theih a si.
Cu ti bomb puah hnawh nak Operation cu Myiang Pa-ka-phah hruainak in Black Cobra,PKU Thurain, DMG Daa Mingyi phu hna i bawm in an tuah mi a si.
Cu pin ah Pakokku in Chin ram panh in a rak kai mi SAC motor 100 leng cu lam karlak ah dothlennak phu hna nih bomb le Drone hna hmang in an rak doh lengmang hna caah Magyithungbin ah an i taap rih tiah theih a si.
SAC ralkap hna nih mah le naihniam dothlennak ralkap sin ah i ap ding le ai ap duh lo mi cu an nunnak zuah an si lai lo tiah Myiang Pa-Ka-Phah nih an thanh.
