Magway ramthen,Pakkoku khuachung in a rakchuak mi ralhraang mawtaw 3 cu Kandaw khuapawng an phak ah Pakkoku tualchung hriamtlai ttangti phu nih October 22 ah bomb kan puah hnawh hna tiah Pakkoku PDF nih an thanh.
Pakkoku PDF nih cun bomb Lung 5 phir in voi khat le Lung 3 phir in voi hnih tiin an puah hnawh hna hi a si i a hmun ah ralhraang 8 an thi i sizung phaak pi hnu ah 1 a thih chap caah a thimi dihlak minung 9 an si tiah an langhter.
Hi tukdoh nak cu Pakkoku mipi ralkap tatkhuai (3) le Kamma Under Ground People Defense Force ibawm in tuah mi a si.
