NUG nih theih pi mi Kaung For You Education ah ca a chimtu CDM sayamah 5 leng an tleih hna
NUG Ministry of Education nih theih pi mi Kaung For you Online Class ah ca a chim tu CDM sayamah 5 leng July 13 ah SAC ralkap nih an tleih hna tiah theih a si.
Nizaan chun ah Kaung for You sayamah 5 an tleih hna tiah chungkhar neihniam lei nih an chim.An tleih hna hi a fiang.A tu tiang cun 5 an si tiah pakhat nih a chim.Sayamah te zong an laptop pawl zong an kal pi dih.Ram chung ah a um mi ca chim tu pawl cu tleih rih an timh hna tiah a chim.
Cun Tanintharyi ramthen,Kawthaung peng,Aye Yeik Nyein sang ah a um mi Kaung for you sayamah 1 cu nizaan chun 11 hrawng ah SAC ralkap nih an rak tleih nain mah sayamah cu an hmuh lo caah Kaung For you a si lo mi a dang CDM sayamah 1 cu an tleih tiah Kawthaung khua mi nih an chim.
Thlanglei Shan ramkulh,Kalaw peng i Kaung For you sayamah 1 zong nizaan chun ca a chimh lio hna ah SAC ralkap nih an rak tleih tiah theih a si.
Kaung For You ca chimtu pawl an tleih hnanak he peh tleih in Kaung For You social network lei zong in cathanhnak a um rih lo.Kaung For You a ngeitu zong an tleih tiah theih a si nain bia fiang a si lo.
Kaung For You online class ah kai ding mi sianghngakchia an tam i a tu si ning ruang ah saya/mah te zong hngakchia nu le pa zong an lungre a thei tiah theih a si.(Crd.Ayeyarwaddy Times)
