Raltuk cu mak rih i tu lio kawlram har sat nak pawl cu Cabuai cung ah ton biaruah nak ngeih ding in KIO/KIA nih August ni 24 ah cathanh an chuah.
Covid-19 zawt nak nih kawlram a kan den lio ah Ral kan i tuk ah cun zei hmanh a hlawt nak um lo, Ramkhel buai nak cu ton biaruah nak a that nak kawl ding in KIO /KIA nih forhfial nak cathanh an chuah.
SAC Ralhrang doh than ding in NUG nih a timh tuah lio ah, KIO nih cathanh an chuah hi asi.
Kachin Wave Media nih KIA Chimphuan nak nawl ngei Bohmukyi Naw Bu hal nak an tuah i, Ton biaruah nak ti mi ah hin SAC he lawng ton biaruah ngeih ding kan ti mi asi lo, Buu kip he ton biaruah nak ngeih ding in kan ti mi a si tiah achim.
NUG nih SAC he ton biaruah nak zei ti hmanh in kan ngei lai lo ti ah NUG Defense Minister U Zi Mon nih achim.
#RFA
