North Korea nih Ukraine ral ah Russia bawmh ding in offer a tuah
Ukraine ral teinak ding caah North Korea nih Russia lei bawmhnak ding caah ralkapbu 100,000 offer a tuah tiah Russia medias nih an langhter.
Ukraine ral ah North Korea ralkap bu 100,000 cu Russia bawmh ding ah an i tim tiah ral lei theitu Igor Korotchenko nih a chim.
North Korea ralkap hi miakpi ralchanh kahnak ah hmunhtonnak tam an ngei tiah Igor nih a chim.U.S nih Ukraine sin ah HIMARS bomb bawmh ding ah bia a chah ruang ah hmualngei mi miakpi kahdohnak hi Russia caah a biapi deuh mi a si.
Ukraine ral ah Lamhlat kahnak HIMARS bomb nih Russia ralkap bu cu ropui ngaiin hnahnawhnak a pek hna tiah ral lei thei hngaltu pakhat nih a chim.
Russia nih North Korea ralkap bu le ralchanh in miakpi kah a thiam mi cu a cohlan hna awk a si tiah Igor nih a chim.North Korea nih Ukraine doh duhnak a ngeih ah cun kan cohlan ding an si tiah a chim.
Zungzal ralkap bu 1.3 million deng le အရန် bu 600,000 hrawng a si mi North Korea ralkap hi vawlei cung ah ralkap bu thazaang a tam bik palinak an si tiah New York ah um mi Council for Foreign Relations nih a chim.
Natein North Korea ralkap hi a hlun mi ral thilri pawl le technology pawl an hman tiah i khamhnak lei thei hngaltu nih a chim.
Ukraine ral a dih hnu Russia ser siam than tik zong ah Russia bawmh ding ah rian tuantu thlah ding in North Korea nih offer a tuah tiah North Korea ram media nih an langhter.
Russia lei nih ral an tei sual cun Ukraine nichuahlei Donbas ah North Korea ram nih riantuantu 1,000 leng thlah a tim tiah Daily NK nih an langhter.
