”Nobel Peace Prize” Nominees Ah NUG Ai Tel
2022 kum “Nobel Peace Prize” nominees ah National Unity Government (NUG) ai tel tiah Ralkap nih uknak lak kumkhat camtuak February 1 ah Reuters thawngzamh nih a ttial.
Nobel Peace Prize caah nominees hi official tak cun thanh asi rihlo nain an record a chuak sual caah i hngalh khawh a si tiah theih asi.
Tutan Nobel Peace Prize caah nominees pawl hna cu Pop Francis , British Nature Broadcaster David Attenborough, Tavalu’s Foreign minister Simon Kofe, Belarusian ramkhel palai Sviatlana Tsikhanouskaya , World Health Organization (WHO), National Unity Government (NUG) le Pawngkam zohkhenhnak kong ah a cawlcangmi Mino te simi Greta Thunberg hna an si .
Hi Nobel Peace Prize hmu ding ah nominees hna min cazin a thli in a chuakmi kong ah ttuanvo ngeitu hna nih zei bantuk lehnak hmanh an tuah rih lo.
Nobel Peace Prize ngahtu ding ah nominees tarmi hna chung in a ngahmi cu October thla ah thanh asi te lai tiah Reuters nihcun a ttial.
