Nili chung kahdohnak ah council ralkap 21 an thi: CDF- Kanpalet
Febuary 23,2022
Magwe ramtthen, LaungShay khua in Chin ram, Kanpetlet khua tiang Febuary 20 ah arak lut mi council ralkap le Kanpetlet –CDF kar nili chung kahdohnak cu voi 4 tiang a chuak i Council ralkap lei in 20 an thi tiah Kanpetlet – CDF nih cathanh an chuah.
Febuary 20 ah SwelweKyin khua pawng ah zinglei sml 8 le chun sml 12 ah council ralkap cu Kanpetlet – CDF le CNA nih an bawh hna ii an kah hna council ralkap 6 an thi tiah an chim.
Febuary 21 ah council ralkap le Kanpetlet – CDF ,PDF – Saw , CNA le ralhrang karlak kahdohnak afak ii council ralkap lei in 4 an thi tiah theih asi.
Febuary 22 ah YeShawng Lam ram pawng ah council ralkap le CDF-Dan,PDF- Saw,Kanpetlet – CDF le CAN kar kahdohnak a fak.Council ralkap lei in 11 an thi tam nih hliam an tuar tiah theih asi.
“Kahdohnak cu hi nak in afak deuh kho rih l,Ralkap he Kahdohnak cu CDF- Kanpetlet lawng si lo,PDF zong an I tel, CNA zong an I tel i Nizan ah khua chung a tang mi an tam .Kan mah caah thla kan cam piak uh titiang a chim” tiah Maw Chaung khua mi pakhat nih a chim.
Kahdohnak ah council ralkap pawl cu Mazawtti khua um mipi inn pawl cu a hrawh.Thilrii pawl zong an lak.Maw Chaung khua umnak inn 4 cu mei an duah tiah theih asi.
Ralram sial mi council ralkap pawl cu Chin ram chung an phan hlan Febuary16 ah Magwe ram LaungShay khua pawng YeyinChaung hlei nitlaklei motor lam ah LaungShay – PDF nih a chiah mi Bomh cu an fimtaul nak ah a puah ii ralbawi pakhat a hmun ah a thi tiah theih a asi.(Ref:Mizzima)
