Nikhat Chungah SAC Ralkap 90 Hrawng An Thi Tiah NUG Nih Cathanh Chuah
Mipi nih dothlennak an tuah chungah May 15 ni nikhat chung lawngah SAC ralkap 90 hrawng an thi tiah NUG nih cathanh a chuah.
A tu cathanh chung nak in a hmunhma ah a thimi le a hliam mi an tam deuh kho i nikhat chung kahdohnak ah hliam a tuarmi minung 36 an si tiah an chim.Nawl ngeihnak la tu SAC ralkap phu nih mipi cung in faktuk in hremnak, tlaihkhih nak, kahdoh thahnak hna cu mipi vialte cung ah an tuah i mipi humhim nak an nun nak ding caah kan doh ve hna.Ram pumpi ah Myanmar mipi hna cu SAC ralkap uknak cu Myanmar vawlei cung ah a um ti lo nak ding le Federal democracy hmuh nak dingah dai tein duh lo nak an langhter in dohnak cu ramthen kip hmun kip ah an tuah.
Nizan nikhatchung kahdohnak ah Kachin ramkulh le Magwe ramthen, hna ah voikhat veve, Tanintharyi ramthen, Mandalay ramthen hna ah 2, Yangon ramthen ah voi 3, Sagaing ramthen ah voi 11 tiin a um tiah NUG nih an thanh.
Cupinah Myanmar ram chung mipi vengtu lei n thazaang a thawng chin i a luancia February 7 in March 6 tiang, thlakhat chung ah SAC ralkap 2095 an thi tiah NUG nih cathanh a chuah.NUG cozah nih D Day a thanh hnu tjlaruk chungah cazin lak mi ning in thanh a si i hliam a tuarmi hna hi minung 637 an si tiah a chim.Myanmar ramchung kahdohnak hna ah ralhrangphu hna a thi mi.le a hliam mi kong ah SAC ralkap lei nih thawngthanh nak an tuah mi a um rih lo tiah theih a si.
# DVB
