Shan ram chaklei,Muse peng Moeku le Moepaw kar Wingla tlang cung ummi SAC Infantry Battalion 567 sakhan cu nihin October 19 zinglei thok in KIA nih kahhram an thok i zanlei slm 4:00 tluk ah tlamtling tein an laak khawh tiah theih a si.
Hi sakhan laak kahdohnak ah ralhraang a thi mi an tam i raltuk nak thilri phunphun zong KIA nih an laak,a thi le hliam zat bel fiang in theih a si rih lo.Ralhraang hna nih Munglaikhat ralzam riahbuk bomb a thlak hnu in KIA nih an sakhan pakhat hnu pakhat an tuk cuahmah ve. Hi sakhan hi ralhraang hna caah a biapi ngai mi sakhan a si leng ah thilri chanhnak ah an hman ngai mi zong a si.
Sakhan cu laak a si cang nain ralhraang vanlawng nih kahdoh nak a tuah peng rih caah hmunhma thianhlimh nak tuah khawh a si rih lo tiah KIA lei nih cun Khit Thit Media ah an chim.
