Shan ram chaklei Kutkai peng,Namh Hpat Kar hrambunh SAC sakhaan cu KIA nih ni 20 leng an tuk hnu ah an laak khawh cang tiah theih a si.
KIA Brigade 4 le 6 kuttang ralkap hna nih a luancia 2023 December a donghnak zarh thok in Namh Hpat Kar khua hrambunh SAC IB 123 battalion sakhaan cu tuk hram an rak thok i ni kul leng a rauh hnu nihin January 15 2024 zinglei sang ah tlamtling tein an laak khawh hi a si.
“SAC lei in a thi mi an tam nain zeizat set timi biafiang theih a si rih lo.Hriamnam zong tampi an laak,bia fiang taktak cu an mah nih an thanh te ko lai” tiah thawnghram pakhat nih FJMM ah a chim.
Kahdohnak chung ah hin SAC lei a thi mi an tam bantuk in KIA lei zong nunnak pe tu an tam ve.SAC hriampi hriamte tampi an laak khawh.
Shan ram chaklei khuapi tamdeuh hna cu a tu ah MNDAA,TNLA le KIA nih an laak cang hna i Lashio, Muse,Kyaukme le Naungchio hna lawng hi SAC kuttang ah a um mi an si cang.
