Newzealand Ram Ah Kuakzuk Phihkhamnak An Tuah Lai
Newzealand ram ahcun kuakzuk hi phihkhamnak tuah cang dingin timhtuahnak caah tiin mino a simi paoh nih kuak an cawk tikah dawr ngeitu nih zuar lo dingin phung an ser lai tiah theih asi.
Ara lai dingmi hmai kum thawkin zulhphung thar an ngeih dingmi ningin kum 2008 hnulei in a chuakmi paohpaoh, nu siseh, pa siseh, kuak zuk le kuak cawk tibantuk a um ti lai lo tiah theih asi.
Mino a simi paohpaoh nih zeitik hmanhah kuakcawk, kuakzuk tibantuk a um ti ngakhnga lo, duhfahnak an ngeihnak kong cu ngandamnak lei sibawi Ayesha Verall nih a chim.
Newzealand ram i ngandamnak lei zungpi nih Dec 9 ah atu bantukin cathanh an chuahmi asi i, hi thil kan tuahmi hi kuak zuk dohnak le khamnak caah hmual ngeimi phihkhamnak pakhat a si.
Cigarette chungah hin a telmi Nikotin dat hi rikhiah kho dingin le kuak he a pehtlaimi paoh zorter dingin timhtuahmi a si i, vawlei cungah a hmasabik kuak phihkhamtu si dingin Newzealand ram i sibawi nih cun ruahchannak an ngei.
Newzealand ram cu a ra lai dingmi kum 2025 ahcun kuakzuk hi 5% in zorter dingin le cuhlei ah kuak hrimhrim hi an ram ah um ti lo dingin timhtuahnak an ngei.
Ref: Voice of Myanmar
