Nay Pyi Taw ah inn cit mawtaw 1 le palik mawtaw 1 an i pah i palik 2 le thongtla 1 hliam an hmu
SAC pawl khua an saknak Nay Pyi Taw ah nizaan zaan ah inn cit mawtaw le palik mawtaw an i pah i palik mawtaw cu a let i palik 2 le thongtla 1 hlaim an hmu tiah Nay Pyi Taw khua mi sinin theih a si.
August 4 zaanlei sml 5 hrawng ah Nay Pyi Taw council ,Zabbunthiri siizung le Municipality guest house pawng lam tonnak traffic light ah inn cit mawtaw le palik mawtaw an pah i palik mawtaw cu a let tiah theih a si.
“Traffic light hi a rawk.Palik mawtaw a kal lio ah inn cit mawtaw nih a kam in a rak pah.Suzaki Ciaz inn cit mawtaw nih palik mawtaw cu a kam in a rak pah i palik mawtaw cu a let.Palik nu pakhat cu a kut le a ke a kiak,palik pakhat kha cu a tanglei a rial.Cun thongtla pakhat kha cu a lu a kuai nain inn cit mawtaw kha cu a zei hmanh a ti lo” tiah a chim.
Cu mawtaw i pahnak ah cun palik sakhaan lei nih zata an cuai i inn cit mawtaw mawngtu cu a zi an zut tiah theih a si.(Crd.Khit Thit Media)
