Shan ram chaklei Nawnghkio peng Tha-Yet-Kung khua ah hmun a khuar mi SAC ralhraang sakhaan cu April 15 zinglei in kah hram an thok i zaanlei sang ah tlamtling tein an laak khawh kong Mandalay PDF nih nihin ah an thanh.
Tha-Yet-Kung Khua kahdohnak ah hriamhme zun 40 leng, 60MM zun 2,Drone Jammer 1 hna leng ah kuanzen tampi le ralhraang ruak 21 zong an char fawn.
Tha-Yet-Kung khua kahdohnak bawm dingin a rak ra mi SAC ralhraang phu hnih zong lam tantim ah kan kah hna caah a thi le hliam tampi he hnu an kir than tiah an langhter.
Tha-Yet-Kung khua ah hin SAC ralhraang nih Phungki sianginn le sianginn hna ah hmun an khuar tiah theih a si.
April 14 zong ah khan Mandalay PDF hna nih hin Pyin Oo Lwin khua um SAC ralhraang siangin DSA cu Shock missile lung 20 hmangin an kah tiah theih a si.
