Myo Hlah PDF Phu Le SAC Ralhrang Kar Ah Kahdohnak A Chuak, SAC Ralhrang 15 Nak Tlawm Lo An Thi!
Myo Hlah Mizapi vengtu PDF le SAC ralhrang kar ah nihin Dec 10 chun suimilam 1:45 hrawngah Shwegu peng (ရွှေကူမြို့နယ်), Tayakung cunglei hleiah kahdohnak a chuak tiah Myo Hlah PDF nih cathanh an chuah.
SAC ralhrang hna cu nizaan ah Min Chaung Kung khua cunglei i Gyu Ing (ဂျိုအင်း) ah an um hna i, tuzing ah Uk Chi Phet khua leiin Tayakung khua leiah an kal i, hlei an phak zawnah Bo Mu Gyu hruainak in Myo Hlah PDF le ပကဖ phu hna i fonhin bomb hleili (14) hmangin an rak puahhnawh hna tiah theih asi.
Cu bomb puahhnawhnak ruangah SAC ralhrang leiin Htun Yan Nain, Thein Min Aung hruaimi ralkap 78 tluk a simi SAC ralhrang hna cu tatmah 88 kuttang, Kah-Lah-Yiah battalion (416) an si tiah theih a si i, SAC ralhrang 15 nak tlawm lo an thih pinah tampi nih hliam an tuar tiah an langhter.
Mizapi vengtu PDF hna cu hliam tuartu umloin an i zukphiak kho tiah cathanh an chuahmi ahcun an langhter.
