Myinmu peng ah SAC thil phor mawtaw 2 bom an puah hna,Launglon peng,Pandale khua um SAC kut tang Pyu Saw Htee phu cu mipi vengtu nih an doh hna
Sagaing ramthen, Myinmu peng, Kan Phya le Napay Kyu dinhnak kar ah SAC thil phor mawtaw 2 cu mipi vengtu phu pawl nih July 11,zinglei 9:30 ah bom an puah hna tiah Moe Nyo Revolution Force(M.N.R.F) phu nih cathanh an chuah.
Cu thil phor mawtaw 2 cu Sagaing lei in a ra i Moe Nyo Revolution Force(MNRF),Pentagram(ကြယ်ငါးပွင့်),People’s Guerillas Commando- Myinmu le People Revolution Force(PRF) phu pawl nih bom 8 an puah hnawh hna,SAC ralkap a thi mi a fiang rih lo tiah theih a si.
Cun Taninthayi ramthen,Dawei pengkomh,Launglon peng,Pandele khua um SAC kut tang Pyu Saw Htee phu pawl an umnak inn pakhat cu (ပ.က.ဖ)Launglon le tangtiphu pawl nih July 9 zaan ah an doh hna i Pyu Saw Htee lei in 1 a thi, tam hliam an hmu i siizung ah an chiah hna tiah Launglon peng mipi vengtu phu nih cathanh an chuah.
July 9,zaan 11:15 ah an doh hna i pahnih kar ah sml 1:30 chung kahdohnak a chuak,him tein hnu an kir kho tiah thieh a si.An i doh dih hnu 20mins hrawng ah SAC ralkap cu mawtaw 4 in bawmh ding ah an ra ,cu mawtaw cu bom an puah hnawh hna nain bom a puah khawh lo caah hnu an kir than tiah ( ပ.က.ဖ ) Launglon nih cathanh an chuah.
Pandale khua um Pyu Saw Htee phu cu Dawei mipi vengtu(DDT-battalion-3),Launglon mipi veng tu phu(LLPDF),Guerrilla Force,Dawei pengkomh(battalion-1),le Federal rallamsial (T5-ဇုန်) phu nih an doh hna tiah theih a si.(Crd.Khit Thit Media)
