Myanmar Ramchung Ah Omicron Hrik Kai 350 Tluk An Phan
Kawlram chung ah Covid-19 hrik dang simi Omicron hrik kaimi an karh ngai i Febuary 3 tiang ah Hrik kai minung 348 an phan tiah Ralhrang kuttang Ngandamnak zung nih a thanh.
Omicron hrik hi 2021 December 28 ahkhan UAE in Myanmar ah a rak tlungmu minung 4 sin in a voikhatnak bik an rak hmuh hnu thlakhat fai a rauh ah tu bantuk in a karh hi asi.
Hrik a kaimi pawl hi India, UAE, Russia, Malaysia, Thailand, Singapore le Philippines ram in a rak tlungmi hna an si tiah SAC ralhrang kuttang ngandamnak zung nihcun a thanh.
Covid-19 Third Wave lio ah ralhrang nih zeiti hmanh in zawtnak a control khawhlo caah Covid in a thimmi an ram tam tuk caah tutan zong Omicron hrik nih Myanmar mizapi biatak tein an kan den lai ti kan phang tiah mi cheukhat hna nih an chim.
Ralhrang kuttang Ngandamnak zung nihcun Omicron zawtnak cu biatka tein kan doh cuahmah i faak chinchin in kan zulhdawi kan doh ko tiah an thanh.
Ref: RFA
