Myanmar ralzam rak kuat than ding ah India le SAC thlithup in biaruahnak an ngei
Myanmar ram uknak an lak hnu ah umnak zam tak in India ram lei ah a tli mi Myanmar ralzam pawl cu Myanmar ah rak kuat than ding in India le SAC thlithup in biaruahnak ca pakhat a thang.
SAC Foreign Minister U Wana Maung Lwin nih August 5 ni thla in နိုင်ငံတော်စီမံအုပ်ချုပ်ရေးကောင်စီ(နစက) zung sin ah a kuat mi cu thlithup peh tlaihnak ca chung ah Myanmar lei in India lei ah luh in cawlcangnak pawl,phung ning lo in a rak i thial mi pawl he peh tlaih mi thawng a um ah cun Myanmar lei theihter ve ding in Minister of Foreign Affair department,Union Minister le India Ambassador to Myanmar hna cu July 26 ah i ton in biaruah tinak an ngei.
Cu kong he peh tlaih in Myanmar le India ramri um umnak hmun a kal tak mi pawl cu rak kuat than ding le hmun hma pek than ding caah India, Mizo ram cozah nih Kolkata khua um Myanmar Consulate zung ah thawngthanhnak ca a kuat.
Mizo ram cozah nih an kuat mi thawngthanhnak ca chung ah Myanmar ram chung hualhimnak thil um tu ning ruang ah umnak hmun a kal tak mi Myanmar ram mi caah hmailei an nunnak an himnak hnga caah a hreh rih ruang ah ramri ah a um i an umnak a zam tak mi pawl an umnak hmun ah kuat than ding le hmunhma pek than ding pawl caah tuanvo ngeitu phu hmun khat in hmun khat ah kuatnak ding rian a tlamtlingnak ca ,hualhimnak ca telh in a dang a herh mi pawl bawmh ding in an chim mi cu cu thilthup ca ah cun hmun khawh a si.
Cu caah Myanmar-India ramri khua um umnak hmun a kal tak mi pawl cu umnak hmun ah kuat than ding le hmunnak peknak than ding kong he pek tlaih in ram hnih cozah pi tuanvo ngeitu pawl nih pehzulh tein ceih khannak ding caah Myanmar lei tuanvo ngeitu,Leading Ministry cu thiah piak ding in Minister of Foreign Affairs of Myanmar nih State Planning and Administration Council sinah a hal mi cu cu ca chung ah hmunh a si.
Myanmar ram ah 1st February,2021 ralkap nih uknak an lak hnu Myanmar ram mi pawl cu SAC ral in luatnak ding caah India nichuah chaklei khua Mizo ram lei ah himnak hmun an kawl.
India ram cu ralzam pawl kong ah hnatlak nak min a thut mi a um lo caah Mizo ram lei ah a dor mi Myanmar ralzam pawl cu an umnak ah kuat than ding in Mizo ram cozah cu a hnek.
Natein Miro ram Prime Minister Zoramthanga nih a ram ah himnak a rak la mi Myanmar ralzam pawl cu an umnak ah ka kuat than hna lai lo tiah India cozah pi sin ah an leh i tuni tiang a cohlan hna.Ralzam sakhaan pawl zong a awn piak hna i a zoh khenh hna.
Cu ca a thang mi ralzam an umnak hmun ah kuat than ding kong he peh tlaih in SAC i thlithup ca cu a hman le hman lo hi a faing in theih a si rih lo.Cu ca chung ah a tel mi Mizo ram cozah nih Kolkata khua um Myanmar Consulate zung ah thawngthanhnak ca a kuat ti mi kong zong a hman le hman lo fianh ding in i zuam chuah mah lio a si.(Crd.Khonumthung Burmese)
