Myanmar- Manipur Ramri Hau Hruang An Sak Lai/ An Kham Cang Lai
Myanmar le India ramri simi Manipur state chung Myanmar ramri zawn paoh a rannak in kan kham lai/hauhruang kan sak lai tiah Manipur State Chief Minister nih a chim tiah “The Times of India ”thawngzamh nih a ttial.
Assam Rifle mawtaw cu burbuk tang in kah a tonhnu nikhat ah a tu bantuk in Chief Minister nih a chim hi asi.
Manipur state cu Myanmar ram he meng 250 hrawng ramri a ngei i, kanhnu zarh Cawn niruk( Saturday ) ahkhan Ramri meng 12 hrawng ah Manipur Naga People Force (MNPF) le PLA hriamtlai hna nih Assam Rifle mawtaw an kah hna i Bogyi pakhat a nupi le a fapa kum 6 pin ah ralkap 4 (an dihlak 6) an thi i 6 tthiam hliam an tuar.
MNPF le PLA hriamtlai pawl hi ramri lonh zau in Myanmar ram lei in an ra i kahdohnak a dih hnu zong ah Myanmar ram lei ah an kir tthan tiah India Police nih an chim.
Ref: RFA
