Myanmar Kong Ah ASEAN Chung Ah I Theihthiam Lonak A Chuak
Myanmar ralkap lutlai pawl he i pehtlaihnak kong pehtlai in ASEAN hruaitu karlak ah i hmuhthiam lonak a chuak tiah Cozah lutlai le Palai hna chirhchan in Reuters thawngzamh nih a ttial.
Tuzarh chung ah tuah dingmi ASEAN ramleng Palai pawl tonpumhnak hmanh a caan thawn ding dirhmun tiang an phan.
Min Aung Hlaing nih uknak a lak hnu mizapi lamzawhmi hna ralkap thazang hmang in thahnawnnak an tuah hnu ah Min Aung Hlaing cu ASEAN hruaitu tonpumhnak in an chuahmi kong he pehtlai in 2021 kumdongh lai hrawng ah ASEAN hruaitu karlak ah i hmuhthiam lonak a chuah hi asi.
Indonesia Ramleng Palai zung in biachimnak nawl ngeitu Abdul Kadir Jailani nihcun ” Myanmar hi ASEAN tonpumhnak ah ai tel ding le tello ding kong ah hruaitu karlak ah i hmuhthiamlo nak le lung i khah lonak a chuak” tiah a chim i, Ai dangmi ruahnak kan i funtomnak hnga caan lak kan hau rih ” tiah a chim chih.
#BBC
