Magway ramthen,Myaing peng Kan-Myint-Kung khuate ah SAC nih nihin May 4 zinglei slm 9:15 ah voi khat le 9:30 ah voikhat tiin bomb voi hnih a thlak caah tualchungmi kum 6 tang ngakchia pakhat le kum 60 cung tar pakhat telhin minung 4 an thih leng ah 12 nak tlawmlo nih hliam an tuar tiah theih a si.
“Lbs 500 a rit mi bomb le Rocket hna in a kah hi a si.Lbs 500 bomb cu lungkhat a thlak i rocket cu a rual rual in a thlak.chungkhar 2 hi fak piin an i hliam i an mah chung in a thi le hliam cu an si hna” tiah khuami pakhat nih people’s spring ah a chim.
Myaing peng chungah rallam a sial mi SAC ralhraang hna cu tualchung hriamtlai phu nih an kah hna i an tuar a fah caah a tu bantuk in sualnak ngeilo tualchungmi umnak ah bomb a thlak hi a si tiah khua mi hna nih an chim.
A tu bantuk in SAC nih bomb a thlak sual lai ti phan ruang ah Myaing peng chungah hin sianginn vialte a hlan te in an khar tiah theih a si.
