Myain peng,Kyaukkan khua mi 1 SAC ralkap nih an thah i inndong 100 leng mei an khangh
Magway ramthen,Myain peng chaklei ah a um mi Kyaukkan khua cu SAC ralkap nih July 23 ni ah khua chung an lut i khuami 1 an tlaih i an thah tiah theih a si.
SAC ralkap bu nih khua mi pakhat an thah dih in khua chung inn inndong 100 leng cu an khangh i mipi ta a si mi mawtaw,cycle le cawleng pawl zong an khangh tiah theih a si.
Cu SAC ralkap bu cu Kyaukkan khua leng in Kyaungyaut,Kyauktaung,Thitinpin, le Banbo khua pawl zong luh in an hrawh hna i July 25 ah Damathara khua um inn pawl an khangh,khuami pawl an tli dih tiah theih a si.
Cun Sagaing ramthen,Ye Oo peng Hnaw Kone khua zong SAC ralkap nih July 24 zaan sml 7 hrawng ah an lut i khua chung um inn pawl mei an khangh tiah khuami pakhat nih a chim.
“Khuami pawl cu a tli manh.Inn pawl a tam deuh cu an khangh hna nain a zat cu a fiang in theih a si rih lo” tiah khua mi pakhat nih a chim.(Crd.Khit Thit Media)
