Shanram Chaklei Muse,Namhkam,Kutkai le Lashio Pengchung Hna I Um Mi SAC Sakhaan (4) hna cu nihin October 31 ah TNLA nih an laak than i ralhraang minung 4 zong anung in an tlaih hna tiah theih a si.
Ta Aung peng,brigade 4 hmunram Lashio le Tingni peng karlak ah a um mi ralhraang hna Maipa sakhaan cu tuzing October 31 zinglei slm 4:00 tluk ah PSLF/TNLA nih an laak i Brigade 1 hmun ram Namhkam peng Heyai ralhraang sakhan cu zanlei slm 2:00pm tluk ah an laak ve.
Cu hnu ah brigade 1 hmunram Namhkam peng,Kankaw tlang ralhraang sakhan cu zaanlei slm 2:00pm tluk ah le brigade 1 hmunram Muse peng mengtung 105 i a ummi ralhraang le Pyithusit phu bawm in hmun an khuar nak sakhan cu zaanlei slm 3:15 ah an laak.
TNLA brigade 5 hmunram ah a um mi Kutkai peng,Shukhinta ralhraang sakhan cu 1027 operation aa thok October 27 te khan kahhram an rak thok cang i nihhin ah tlamtling tein laak khawh a si ve. Brigade 6 hmunram,Lashio peng Maikyat ralhraang sakhan cu a tu tiang ni 5 chung kah cuahmah lio a si i kaphnih kar kahdoh nak fak piin a chuak cuahmah rih tiah theih a si.
Nihin October 31 ah ralhraang hna nih vanlei Jet Fighter in voi (8),Mi 35 raltuknak vanlawng in voi (4) le Kyaukme khua um ralhraang sakhaan in 120MM le 105MM hna kah an bawmh hna tiah theih a si.
