Muse peng palik sakhaan hmai bomb a puah lio ah a kal mi mawtaw 1 cu palik pawl nih an kah hna i mipi 1 a nunnak a liam,2 an nunnak caah thin phang a si
Nizaan zaan Shan ramkulh,Muse peng palik sakhaan hmai bomb a puah lio ah a kal mi mawtaw 1 cu palik phu nih an kah i mipi 1 a nunnak a liam.A dang 2 hi an nunnak caah thin phang a si tiah khuami sinin theih a si.
Nu pakhat telh in khuami 3 nih an rak i cit mi mawtaw cu Muse palik sakhaan hmai bomb a puah lio ah an kal i palik phu nih an dir lo ruang ah an kah mi hna a si tiah a hmutu pakhat nih a chim.
“Palik sakhaan pawng bomb a puak i a tu mipi mawtaw hi palik sakhaan hmai a kal lio a si.Mah cu palik pawl nih an dir ter hna i an dir lo caah an kah hna.Pathum an i hliam.Cu zaan bak ah cun kum 24 a si mi pa 1 a nunnak a liam.A dang 2 zong an nunnak caah thin phang a si tiah khuami 1 nih a chim.
Nizaan zaan chung ah Muse peng hmun 4 ah bomb a puak i a donghnak bik a puak mi hi palik sakhaan hmai a si tiah khuami sinin theih a si.(Crd.Ayeyarwaddy Times)
