Monywa,Nagar Dwin Khua Cu SAC Ralkap Nih Hriamngan In An Kah Hna I Inn Pawl Cu Mei In An Khangh,Mipi 12 An Tlaih Hna
================================================
Sagaing ramthen,Monywa peng,Nagar Dwin khua cu SAC ralkap nih tuni September 14 zinglei ah hriamngan kah in an lut i khua cu mei an khangh tiah khuami nih an chim.
SAC ralkap cu Nagar Dwin khua ah zing sml 6:30 hrawng ah hriamngan in an kah i sml 9:30 hrawng ah khua chung an lut.Sml 11:41 hrawng ah khua cu mei in an khangh tiah theih a si.
Khua chung ah SAC ralkap nih hriamngan an kah mi cu inn pakhat cung a tlak ruang ah thlam pawl an kang.Nagar Dwin khua phungki umnak inn ah a um mi cycle pawl zong mei in an khangh hna i a tu inn pawl zong mei an khangh tiah theih a si.
“Mipi hlam an hmuh le hmuh lo hi theih a si rih lo.Khua chung ah cun mipi 12 an tlaih hna.Khua chung luh a ngah rih lo caah a rawk mi thil umtuning theih a si rih lo.SAC ralkap nih mipi inn pawl an khangh caah a rawk mi a tam kho” tiah khuami pakhat nih a chim.(Crd.Khit Thit Media)
