Monkoe Ah Hmun 3 In Hmun Khuarmi An Ralkap Pawl Hnu Kir Ding In MNDAA Headquarter Nih Nawl Pek
Shanram chaklei, Muse pengkomh, Monkoe kiangkap ah hmun 3 i tthen in hmunkuarmi an ralkap pawl hnukir ding in MNDAA Headquarter nih nizaan,November 10 ahkhan nawl a chuah.
Kokang (MNDAA) nih Monkoe kiangkap ah kahdohnak umrihlo ding le Monkoe kiangkap ah hmun 3 tthen in hmun khuarmi an ralkap rak kir ding in an auh hna pin ah Monkoe le Pansan karlak hleikap i ummi Sniper ralkap pawl phu 2 zong hnutolh ding in an nawlchuahmi ah ai tel chih.
Hikong he pehtlai in Monkoe khuami pakhat nihcun ” Hnu kir dingin nawl an pek hna ticu kan hngalh ko nain tutiang ahcun an kir rihlo an hmun ah an um korih” tiah achim.
Cun khuami pakhat nihcun ” MNDAA nih an ralkap pawl hnukir ding in cunglei nih nawl a pekmi hna hi Tuluk(China) nih a namchih ruangah a si kho men. Chawlehhrawlnak kong ah si kho men. A ruang cu Myanmar le Tuluk siipuazi pehtlaihnak a ngantuk caah cucu sungh ding Tuluk nih a duh lailo i silai” tiah a a ruahnak a chim ve.
Kokang(MNDAA) nihcun ”Zawtnai vending, Mipi pawcawmnakding Papek in i hmaithlak ding,Dai tein ceihhmainak,Kaphnih thihloh tlawmdeuh ding in le nawlngeihnak lak ruang ah a chuakmi thahnawnnak pawl kha ramkhel ceihhmainak in daihter ding, A dikmi Democracy rampi dirhtthan ding in kan in nawl ”tiah an cachuahmi an telh chih.
Ref: Voice of Myanmar
