Monekoe kah doh nak ah khua mi pawl an thi tiah Kokang phu nih cathanh an chuak.
December 28, 2021
Shan rem , Monekoe peng Panmay khua chung December 25 ah council ralkap nih an kah mi hriamnam ngan ruang ah khua mi pakhat a thi tiah MNDAA nih December 28 tuni zinglei ah cathanh an chuah.
Panmay khua chung ah a thi mi hi china miphun a si.Ake hnih in hriamnam ngan nih a ken mi hliamhma hen athi tiah an thanh.
Aluan cia August thla in a thok ii council ralkap le MNDAA kar kah doh nak ah hriamnam ngan in an kah mi kum 10 ngakchia pakhat tel in athi mi minung 6 an si cang tiah an thanh.
December 26 ah Hua Chauk le Manche khua ah kah doh nak voi 2 a chuah ii council ralkap lei in ralkap motor a kangh i a thi mi minung 12 an si tiah an thanh.
December 19 zong ah Manyan le Shigyikya tlang ah kah doh nak a fak ii council ralkap lei in minung 100 an thi tiah kokang nih cathanh an chuah mi cu council ralkap nih kan thi lo tiah an i pheh.
Council ralkap ii information general Zaw Min Tun nih Monekoe khua i December 22 tiang kah doh nak ah council ralkap lei in a thi mi an um ko nan in a tam an thi lo tiah a chim.Atutiang Monekoe khua thil sining cu a dai rih lo tiah a chim chap.
