Moebye PDF 3 Cu SAC Ralkap Nih An Thah Hna,An Ruak Cu Tikhor Chung Ah An Thlak Hna.
================================
Kayah Ramkulh,Moebye Peng Mingalar khua pawng kahdohnak ah a tlau mi PDF Ralkap 3 ii an ruak cu tikhor chung ah kan hmuh hna tiah MBPDF sin in theih asi.
A tlau mi PDF Ralkap 3 cu MBPDF Tatkhuai in 2 le Hawk Tatkhuai In PDF Ralkap 1 an si.September 23 ah SAC Ralkap le Moebye Mingalar khua ah Kaphnih kahdohnak ah a tlau mi an si tiah theih asi.
Cu MbPDF Ralkap 3 i an ruak cu September 29 ah tikhor chung ah an lak hna.A thi mi ii an ruak cu an check hnu ah SAC Ralkap kahnak in ralkap pahnih cu an thi.Pakhat cu a phei ah an ken ii cawlcangh kho lo ruang ah SAC Ralkap nih an hrem ii a nunnak a liam tiah MBPDF nih an thanh.
SAC Ralkap nih a thi mi PDF Ralkap 3 an ruak cu Pe 35 thuk mi tikhor chung ah an tlak hna ii thilpuan le thinghnah in a an khuh hna. MBPDF le adang phu fonh nih thazaang chuak in an kawl hna ii an hmuh hna hi a si tiah theih asi.
