Mizoram mi thah nak kong ah lunghrinh mi Chin pa Palek nih an tleih
Mizoram Lunglei khua Chanmari sang um Sumo Counter ngeitu Pi Vanlalduati cu September 6 zan ah thah a ton mi kong ah Chin pa pakhat cu lunghrinh in palek nih an tleih tiah theih asi.
Pi Vanlalduati thah nak kong ah lunghrinh mi pa hi Kalay myo Tahan ah khua asa mi Lalchawimawia kum 24 asi, lunglei khua luangmual sang ah a um mi asi, an tleih hnu ah Lunglei District thong in ah an kuat tiah kan theih.
Aluancia mi September ni 6 ah Pi Vanlalduati inn sii an thuk hnu zan Suimilam 7 hrawng ah nam in an sawh i siizung ah an kal pi na in a chanh manh ti lo.
Hi thah nawn nak kong ah lunghrinh mi Lalchawimawia nih ka thah ko tiah phuan nak a nei rih lo na in, palek pawl nih a mah thah mi asi ko, tatte zong kan ngei tiah an chim.
