Chin ramkulh in Mizoram lei ah ral a zaam mi ngakchia hna caa a chim tu Chin ramkulh Matupi khuami CDM siangcachim pakahat cu Hakha ah SAC nih an tlaih tiah theih a si.
Tlaih a tongmi hi Matupi khua mi Pu Benjamin San kum (37) a si i Fa pathum a ngei mi a si. Ngandamnak kong he pehtlai in Yangon a kal i a kir lei Hakha a phak ah tlaih a tong hi a si.
“A pu ( an nupi pa) a dam lo i Yangon ah a va piah,a kir lei Hakha a phak ah tlaih a ton hi a si.zei ruangbik ah dah tlaih a tong ti cu kan hngal lo,a facebook profile ah NLD thantaar aa taar ruang ah a si hngamaw, a si lo le a nih siang cachim a si tik ah NUG nih hun mi sianginn hna ah caa a chim caah a phone chung ah cu hmanthlak hna cu an hmuh a si theo lai” tiah amah he aa naihniam mi pakhat nih a chim.
Pu Benjamin San cu Mizoram Siaha district Niawtlang ah ralzam siangngakchia caa a chim tu a si mi dai te a si caah a chung le lungrethei in an um tiah theih a si.
“A mah hi midai te a si,tlaih a ton hnu ah zei thawngpang kan thei kho ti lo khua lei thawngpang kan theihning ah a chung le an lungre a thei ngai ngai,SAC nih ralkap chung an luh ter suallai ti an phaang,cucaah a ho paoh Hakha le khuapi dang dang kal tik ah phone chung ah zeidah a um timi tha tein chekhlai hmasat hnu lanwg ah khual tlawn ah a tha” tiah a chim chap.
SAC nih kum tling cang mi poah ralkap rian luh ding timi Upadi cu February 10 ah a thanh i cu hnu cun Hakha ah tlaihkhih nak a um pah bangin chekhlainak zong fak ngai in an tuah tiah theih a si.
