Bago ramthen,Minhla peng chung ah ni 4 chung ah kahdohnak voi 6 a chuak i SAC ralkap 80 leng an thi tiah Tharyawaddy PDF rianngeitu nih a chim.
March 7,chun slm 1:00 tluk ah Minhla peng chung Arce 1000 tluk a kau mi tlor hmun pakhat ah thazang 120 tluk in ralhmai a nor mi SAC ralkap hna cu Tharyarwaddy district PDF 3802 battalion le Dagon column hna nih bawh in an rak kah hna caah kaphnih kar slm 2 chung tluk kahdohnak a chuak i SAC lei minung 20 an thi i PDF lei in minung 1 hliam a tuar tiah theih a si.
Cu ni thiamthiam zanlei sang slm 5 tluk ah SAC hmun khuar nak pakhat cu Tharyarwaddy PDF hna nih hriampi le hriamte hna hmang in an vakah than hna caah SAC 1 a thi I tampi hliam an tuar tiah theih a si.
March 8 ah Arce 1000 tlor hmun ah SAC ralhraang hna an rak kai than caah kaphnih kar slm 4 chung tluk kahdohnak fak piin a chuak than i SAC lei in minung 40 an thih leng ah MA-3 meithal zun khat,kuanbawm 4,60MM zun khat le a dang ralthuam zong laak a si.
March 8 kahdohnak ah SAC ralhraang a thi mi hna cu video record laa dingin Tharyarwaddy PDF hna an kal nak lampi ah SAC he an i ton caah kaphnih kar slm 3 chung tluk kahdohnak a chuak than i minung 20 tluk an thi i PDF 2 hliam an tuar tiah theih a si.
Cu tin March 7 in 10 karlak a chuak mi kahdohnak ah SAC ralhraang 83 an thi i hriamnam cheukhat zong PDF nih an laak piak hna tiah Khit Thit Media nih a langhter.
