Mindat-Matupi lei ah SAC ralkap mawtaw run (100) leng a kai
Chin ramkulh, Mindat – Matupi lei a kai mi SAC ralkap mawtaw run (130) leng cu Magwe ramthen,Pakukko peng in July 17 ah a thawh tiah theih a si.
Laitlang lei ah a kal lai tiah ruah mi mawtaw (30) cu nizaan zinglei ah voi khatnak a chuak.Suimilam tawmpal a roh hnu ah mawtaw run(100) leng a chuak than tiah theih a si.”Mawtaw run cu ruahpi phentu an khuh caah mawtaw chung ah zei dah an phorh ti cu ka thei lo”tiah Pakukko khua mi pakhat nih a chim.
Chin ramkulh,Mindat-Matupi lei a kai mi SAC ralkap mawtaw run he pehtlaih in CDF-Mindat nih mipi i runven ding in nizaan zinglei ah cathanh an chuah.
Matupi peng ah a um mi SAC ralkap pawl caah ral hriamnam le rawl cu thlali voikhat an kuat tawn hna i a tu mawtaw run hi a voi linak a si tiah theih a si.
SAC ralkap pawl caah thihnak lam tiah an auh mi Mindat-Matupi lam cu meng 104 a hlat, a hlan i mawtaw run pawl zong CDF-Mindat le CDF-Matupi nih Mindat-Matupi kar ah fak in an rak doh hna caah SAC ralkap tam an rak thi tiah theih a si.(Crd.Ayeyarwaddy Times)
