Magwe ramthen,Pakokku hrambunh ralhraang battalion 101 in ralhraang hriamnam le riahcaw phur mawtaw (70) tluk cu Mindat,Matupi lei panh in an rak kai caah Pakokku – Pauh kar ii a um mi tiva hlei donh cu September 30 ah le October 3 ah tualchung hriamtlai hna nih bomb in an puah tiah theih a si.
Minung thazang 300 tluk he a rak kai mi cu mawtaw thluan cu September 28 ah Pakkoku khua in an chuak cang nain Magwe hrambunh tualchung hriamtlai hna nih an rak kham hna ii kaphnih kar kahdoh nak zong a um caah Pauh peng chung ah an taang rih.
Ralhraang hna nih hin Pakokku – Pauh – Kyaukhtu – Mindat mawtaw lampi hmang in Chin ramkulh ah thazaang a chap tawn.
