Chin ramkulh thlanglei Mindat khuapi chung ah nizan December 4 ah SAC le CDF-Mindat kar ah kahdohnak a chuak i SAC ralkap 2 an thih leng 6 hliam an tuar tiah CDF commando hna nih People Spring ah an chim.
“Khuapi chung ah hmai tonh in kan i ton caah kahdohnak a chuah hi a si i kahdohnak chung ah SAC ralkap pakhat cu a thi colh,a dang pakhat hi Mindat hrambunh SAC 274 battalion riah hmun an phak hnu ah a thi ve i hliam tuar 6 an si.hliam tuar chung ah 4 hi an hliam a fak tiah” CDF-Mindat commando in Antony nih a chim.
Kaphnih kar kahdohnak a dih hnu ah SAC nih hriamngan voi 30 leng a kah tiah theih a si. “Kan mah lei a him nak kan phak hnu ah SAC nih zapi um nak lei ah hriam ngan an kah caah tualchung mi pakhat hliam a tuar.zapi inn kip zong cheklai nak an tuah i tualchung mi nu pakhat sin in phaisa sing 30 zong an chuh” tiah Antony nih cun a chimchap.
