Chin ramkulh tlanglei Mindat peng Vawmm’Tu khua ah SAC nih van lei in bomb a thlak caah tualchung mi kum 70 tluk tar nu pakhat nunnak a liam i zapi inn pakhat a rawk tiah theih a si.
Nihin January 15 zanlei slm 2:45 tluk ah ah kahdohnak zeihmah um lo in SAC nih bomb a thlak caah Vawmm’Tu khua lamtonnak ah a um mi Pi ThanZinHnge kum 70 cu a nunnak a liam i inn pakhat a rawh hi a si.
“Nihin zanlei slm 2:45 hrawng ah bomb a rak thlak caah tarnu pakhat a lu ah bombci nih a hliamh caah a hmun ah a nunnak a liam colh,cu ka pawngkam hrawng ah kahdohnak zong zeihmah a um lo” tiah khuami pakhat nih Zalen ah a chim.
2024 January 1 lio ah Mindat khuachung ah dothlennak ralkap le SAC kar kahdohnak a rak chuak i SAC ralbawi pakhat Sniper in kah a ton caah a rak thi.
