Chin ramkulh,Mindat khuapi um SAC ralhraang hna nih May thla chung ah nau pawi lio Nu pakhat telhin khuami 6 an tlaih hna leng ah a thluak hawi zat lo mi pakhat zong thi lak in an kah tiah CDF-Mindat nih May 30 ah an thanh.
Mindat khuachung ashiyinpyin sang i naupawi pakhat,kum 70 tluk a si mi tarnu pakhat,kum 60 a si mi pakaht le Kyaukhtu ah pa 2 cu a tu tiang an hren rih hna i an tlaih mi minung 6 chungin Nu pakhat lawng an thlah than.
SAC ralhraang nih hin May thla chung lawng ah Mindat peng chung ah vanlei kahdohnak voi 8 a tuah leng ah Bawngthe khuate,Meng 17 khuate le ashipyin hna ah hriampi voi 11 an kah caah phungki sianginn pakhat a rawk tiah an langhter.
Kanpetlet peng Kyindwe khuapi kahdohnak ah CDF-Mindat ralkap minung 6 an thi hna i cu hna cu Salai Bu Ling Hung,Salai Awm Naing, Salai Johan,Salai Ha Ki, Salai Khui Shing Htan le Salai Ki Ttam hna an si hna.
