Rakhine ramkulh,Minbya khuapi ah a taang mi SAC LIB 379 le 541 battalion sakhaan hna cu AA Nih an laak khawh cang tiah 3 brotherhood alliance nih February 6 ah an thanh.
No.9 Operations Command Headquater tang um sakhaan a si mi cu sakhaan hna cu AA nih thla khat deng an tukdoh hna hnu ah an laak khawh hi a si.
Minbyia pengchung ah hin SAC battalion sakhaan 3 a um i cu chung ah SAC LIB 380 battalion sakhaan cu a luancia January 28 ah khan an rak laak a taang mi sakhaan 2 zong an laak cang caah Minbya khuapi cu AA kutchung ah a um cang.
Cu leng ah Banglades-Myanmar ramri ah a um mi SAC Taungpyu sakhaan orhlei he keh lei he tiah nithum chung doh a si hnu ah a pahnih in an laak khawh kong AA nih an thanh ve.kahdohnak chung in SAC ralkap minung 260 leng cu Bangladesh ram ah an zam kong zong theih a si.
AA ralkap hna le SAC kar ah Rakhine ram chung Myauk Oo,Minbya,Kyaukdaw,Rambae,Ann le Myebon peng chung hna ah pehtlai in kahdohnak a um rih tiah an langhter.
