Maungdaw Peng Kahdohnak Ah Civil Mi 2 An Thi
Arakan (Rakhine) ramkulh, Maungdaw peng ah nizaan, Febuary 7 zaan slm 11:30 hrawng ah ralhrang le Arakan Army(AA) karlak kahdohnak a chuak i Civil mi nu pakhat le mino pakhat an thi tiah tualchung mi hna nih an chim.
A thimi pahnih hna hi thing puaisa tuahmi an si i, Khamaungsaih khua ah an ra i ni a tlak cang caah kir ti loin Khamaungsaih khua ahcun an riak, Zaan ah ralhrang pawl nih an rak tthangh hna i ralhrang nih an mawtaw cu an hman caah anmah zong nih an zulh ve hna i lampi ah AA nih an rak kah hna caah an pahnih in an nunnak a liam hi asi.
A thimi pahnih hna cu Phawan Chaung khuami Daw Saw Khin Hlah (kum 40) le Ngan Chaung Muslim khua in kum 25 tluk simi Muslim mino pakhat an si.
Kahdohnak cu suimilam cheu hrawng a rau tiah theih asi i a thimi pahnih ruak cu tuzing ah Phawan Chaung khuabawi sin ah ralhrang nih rak la uh tiah thawng an thanh.
Kahdohnak ruang ah pawngkam khuapawl mawtaw lam an phih i zaam awk a tthatlo caah mipi thinphang in an um.
#RFA
