Maungdaw Peng Ah Ralhrang le Arakan Army(AA) An I Kap, AA Pakhat Nunnak Liam
Arakan(Rakhine) ramkulh, Maungdaw peng Mietaih khua pawng ah ralhrang le Arakan Army(AA) an i kap i kaphnih in a thimi an um tiah tualchung thawngzamh simi DMG nih a thanh.
Nizaan, Febuary 4 chunhnu slm. 2:00 hrawng ah ralhrang Khah-Mah-Yah 352 nih Mietaih khua pawng AA hmunkhuar nak ah an lut i an kah hmasa hna caah minutes 46 chung kahdohnak a chuak.
” Kan ralkap pawl umhmun khuarnak ah an rak lut i kan ralkap Security lami an kah hmasa caah Minutes 46 chung kahdohnak a chuak, Kahdohnak ah kan ralkap Security lami cu a nunnak a liam i Ralhrang lei zong a thimi an um kho men ”tiah AA biachimnak nawl ngei tu Khaing Thu Kha nih a chim.
”AA ralkap umhmun khuarnak ah an rak luhmi hi a dai komi Arakan ram hi dai hlahseh ti duhnak ah an tuah hrammi a lo i , Kahdohnak a chuak tthan la maw chuak tthanlo timi cu anmah lei cawlcanghnak hoih in a kal lai i, Kan hmunhma ah an luh le ralkpa thazaang chap ti bantuk an tuah ahcun kahdohnak a um tthan ko lai ”tiah a chim chih.
