Maungdaw a um mi SAC ralkap cu AA nih an doh hna
Rakhine ramkulh, Maungdaw ah a um mi SAC ralkap cu AA nih nizaan ah an doh hna i hriamnam thlami palik bawi 1 telh in 14 an tleih hna.Hriamnam 26 le zen,kuan tampi zong an lak khawh tiah Arakan Princess Media sinin theih a si.
Cu dohnak cu Karen ramkulh ah a um mi AA sakhaan vanlawng in bomb an tlak hna caah teirul kan cham mi a si tiah AA i chimnak nawl ngeitu Khine Thukha nih a chim.
July 18 zing 9 hrawng ah Rakhine,Maungdaw peng,Saung Panyar (ဆောင်ပညာ) khua le Sanka Pinyin(စံကားပင်ရင်း) khua(Rakhine) kar ah voikhat,zing 10:30 Maungdaw peng Done Kular(ဒုံးကုလား) khua le Watkyane (ဝက်ကျိန်း) khua kar ah voikhat,SAC ralkap le ramri hngak ralkap tantiphu pawl cu AA nih an doh hna tiah theih a si.
Kahdohnak ah cun tam an thi i hriamnam thlami palik bawi 1 telh in 14 an tleih hna, hriamnam 26 le zen,kuan pawl zong an lak khawh tiah theih a si.(Crd.Khit Thit Medai)
